من الغربي إلى الشرقي، رحلة منيو باباي

في بداية التسعينات مع انتشار ثقافة المأكولات السريعة والأكل خارج البيت وانتشار المطاعم ذات الطابع الغربي في مصر وبما أننا شعب بيحب الأكل وبيحب تجربة كل ماهو جديد في عالم المأكولات والمشروبات أكثر من أي حاجة.

قررنا اننا نقدم أطباق ومأكولات جديدة للسوق المصري، بس مش أطباق بالمعنى الحرفي، لكن سندوتشات في عيش بيتى بان –   Petit Pan. – واللي لي قصه هانحكيهلكم بعدين –

جواها فراخ مقلية وجمبري مقلي، كل حاجة مقلية او مشوية عملناها سندوتش.

كمل قراءة وهتعرف:

• قصة أشهر المطاعم المصرية.
• المنيو بدأ منين و وصل لفين.

نجاحنا وقتها مكنش بسبب اننا بنقدم أكل جديد وبس، كان سببه جودة التقديم من خامات ومصنعات واستخدام لحوم وأسماك بلدي وكمان الأجواء المحيطة بالأكل.

ديكور المطعم وطريقة التقديم وشكل السندوتشات كان جديد علينا كـمصريين، بس بطريقتنا بقي أقرب مطعم للقلوب.

لكن في سنة 1994م  قابلتنا فترة ركود وكان هنا التحدي الحقيقي.

دي كانت بسبب بداية انتشار موضة الطابع الغربي في المطاعم فعلًا في مصر، من ماكدونالدز وكنتاكي إلخ..إلخ.

طبعًا محبين باباي فضلوا معانا، بس الموضة سحبت باقي السوق تجاه المنافس.

جه وقت التركيز وجه وقت الصحصحة، كان لازم نشوف المصري في وضعه الحالي بدأ يفتقد ايه، مع كم المطاعم ومحلات الأكل السريع، المصري لسان حاله بقي ناقصة بهارات. البهارات الأصيلة بتاعتنا. كان مفتقد لـ مطعم أكل مصري أصيل.

فـ قررنا نسمع لسان الجمهور، ونبدأ نقدم أكل شرقي مش غربي بس، وبدأنا نعمل مزيج بين الطعم الغربي والطعم الشرقي.

بدأنا نقدم سندوتشات اشاورما اللحمة المصري الأصيلة بتاعتنا، وساندوتشات كفتة ضاني.

مش بس كده بدأنا نقدم وجبات شيش طاووق و وفراخ مشوية.

رجعنا لسوق المطاعم تاني بـطعم ابن بلدة وبشكل جديد بمنتجات مصرية ومخبوزات زي اللي كلنا اتربينا عليها.

لو واخد بالك فـ باباي من زمان كان مشهور بأنه مطعم مشويات ومقليات، آكل الغدا ده.

طب هل ينفع منبقاش موجودين في الفطار؟ ويبقي اسمنا أفضل مطعم في مصر او القاهرة؟

مع توسع المنيو بتاعنا قررنا اجمل قرار في مسيرتنا، اننا ندخل معانا اطباق وسندوتشات الفطار المصري، فول وفلافل وبتنجان وبطاطس.

والي الآن باباي مشهور بسندوتشات البيتي بان واللي بقي بيتقدم فيها أصناف شرقية وغربية.

وبقي عندنا قائمة سندوتشات تعتبر الأعلى مبيعًا في القاهرة منها:

• سندوتش الكفتة
• سندوتش سجق
• سندوتش كبدة اسكندراني
• سندوتش البرجر

كل فترة كمان بنضيف أصناف جديدة زي:

• الحواوشي الاسكندراني
• سندوتشات الرول (طعمية – ميكس جبن – بوم فريت بالموتزاريلا، كاتشب ومايونيز، ميكس جبن)

ده غير بوكساتنا اللي أثبتت نجاحها كـ وجبة متكاملة:

• بوكس الترويقة (عبارة عن 6 سندوتشات من اختيارك من الشرقي)
• بوكس الفخم (ساندوتش سجق جريل و سندوتش كبدة اسكندراني و سندوتش كفتة محشية وسندوتش زنجر)
• بوكس الدبل ميكس (2 شاورما فراخ و2 شاورما لحم مع مخلل طحينة او ثومية وشيبسي)
• البوكس الأسكندراني (٤ سندوتشات كيزر سجق اسكندراني كبدة اسكندراني سوسيس اسكندراني ميكس سوسيس وسجق إسكندراني مع شيبسي ومخلل)

أصبح مطعم باباي هو الراعي الرسمي للفطار والغدا والعشا المصري، باكلاته المصرية الشعبية شرقي وغربي.

و وفرنا اكتر من طريقة تقدر تدوق اكلنا بيها سواء من علي طلبات او المنيوز او المنيو الخاص بينا او هتلاقية علي الموقع هنا

المنيو بتاعنا إلى  الآن هتلاقي فيه أصناف من 1990 بأسم جديد.

وإلى الآن بنهتم بكل الآراء وكل الاقتراحات عشان دي كانت بداية قصة نجاحنا وهي السبب في استمرار نجاحنا وشهرتنا كـ واحد من أكبر وأعرق المطاعم المصرية في القاهرة. مطعم اكل مصري اصيل عائلي ودافي.

المرة الجاية هنحكيلك احنا ليه مكان عائلي جداً وازاي قدرنا نوصل من فرع لـ 5 فروع مشهورين.

تقدروا تزورونا في فروعنا:

أو تكلمونا على رقمنا السريع : 16091